Рене Шафрански

Рене Шафрански е американска писателка и психотерапевтка. Нејзините написи и есеи биле објавувани во најразлични изданија, меѓу кои Вилиџ војс, Конде Наст травелер, Саутемптон ривју. Пишувала сценарија за големи филмски студија и телевизиски драми за Ејч-би-оу и Пи-би-ес, и соработувала со познати режисерски имиња како Херолд Рамис. Била во брак со Спалдинг Греј и продуцент на неговиот славен филмски монолог Пливајќи до Камбоџа во режија на Џонатан Дем. Работи како психотерапевт во Њујорк и во Саг Харбор, каде што живее со својот партнер Ник и нивното куче Хичкок. Совети за преживување е нејзиното прво книжевно дело.