Агриџенто

Краток опис

ДОБИТНИК НА ЕВРОПСКАТА НАГРАДА ЗА ЛИТЕРАТУРА

Што може да се случи кога во градот Агриџенто на Сицилија ќе се сретнат неколку необични судбини? Еден несекојдневен лекар – кој се нурнува во историјата на антички Акрагант, а кого што на тоа патување го води големиот филозоф Емпедокле, син на тој град. Неговата ќерка Изабела, сликарка што трага по ослободување, но не во уметноста туку во непредвидливата судбина. И еден Грк кој одбира бегство и враќање кон својата прва љубов за да се спаси од презаситеноста и здодевноста на животот. А и еден бегалец од законот кој се крие во засолниште тука, во градот, анализирајќи си го животот и разбивајќи го митот за организираниот криминал. А тука е и еден расчинет свештеник, кој заедно со својот брат, се потсетува на лицата и настаните од една друга Сицилија...

Овој роман е химна за таа друга, поинаква Сицилија, напишан на доволно растојание од стереотипите и пристрасноста. Но тој е и книга-химна за реалниот живот и за една татковина што повеќе не постои. Зашто Агриџенто не е само обичен град...