Ден за одмазда

Краток опис

Природата на човекот е таква, и стотина пати да падне, ќе се обиде повторно да се исправи.

„Ден за одмазда“ отвора низа судбински прашања во трагичниот живот на луѓето соочени со крупни општествени промени. Под постојан удар на силни морални дилеми, тие во своето минато не можат да видат ништо повеќе од движење кое завршува на слеп колосек. Затскриени во немоќта кон предрасудите и верноста кон животните убедувања за тоа каде е границата на вистината, најчесто не можат да најдат храброст да ја прифатат и така да се осознаат себеси.

Губејќи го работното место и семејството, главниот лик Илија Гавровски-Ѕидарот се заплеткува во лаги, измами и предавства, кои само го намножуваат злото на кое единствено може да му се спротивстави едноставната и чиста човечка суштина. Начинот на кој го бара излезот од круговите на пеколот создава простор за неочекувани средби, но пред сè, за конфликти и недоразбирања што внесуваат драматика и го продлабочуваат неспокојот. Но, сепак, во тој бесмислен круг на животот блеснува и понекоја светла точка и искра на надеж.