Фаренхајт 451

Краток опис

Магијата е во она што го кажува книгата, во начинот на кој ги спојува парчињата космос во единствена целина.

Романот антиутопија „Фаренхајт 451“ е слика на едно тоталитарно општество во кое луѓето се затворени во своите огноотпорни домови и никогаш не разговараат за она што го мислат и чувствуваат. Обземени се од своите интерактивни телевизори-ѕидови кои им го окупираат целото внимание и не им оставаат време за размислување. Универзитетите се затворени или се претворени во школи за атомско инженерство. Книгите се прогласени за непотребни, строго се забранети и подлежат на горење. Но една мала опозиционерска група сака да го спаси духовното богатство на човештвото и секој нејзин член знае наизуст понекоја книга, за да им ја пренесе на идните поколенија. Кон нив се приклучува и Монтег, преобратениот пожарникар, кој ќе стане сведок на уништувањето на навидум сигурното и „идеално“ општество... Метафора која со изминувањето на времето станува сè повалидна.