Ичиго-ичие

Краток опис

Ако знаете како убаво да ја спакувате сегашноста, таа ќе ви биде вистински подарок.

Во ова наше време на целосно лудило, кога обземени од секојдневните грижи и обврски често не сме во состојба да слушаме туку само површно обрнуваме внимание на она што нѐ опкружува, секој од нас има клуч со кој повторно може да ја отвори вратата за внимание, хармонија со другите и љубов кон животот.

Тој клуч се вика ичиго-ичие.

Тоа е древна јапонска умешност секој миг да го направиме незаборавен, да уживаме во него и да го цениме како скапоцен и неповторлив. Зашто секој миг од животот е мала оаза на среќа. А многу оази заедно, прават океан на среќата.

Секоја средба, сѐ што доживуваме, е непроценливо богатство кое никогаш повеќе нема да се повтори на ист начин. Ако дозволиме да ни избега без да уживаме во него, засекогаш сме го изгубиле. Ако живееме будно, со отворени сетила, нема да дозволиме сегашноста да ни биде само низа од денови. Секој од нас ја има во себе магија да го направи својот живот посебен и незаборавен.