Некој бил тука

Краток опис

Главен лик во овој дебитантски роман не е човек, туку место. Не зборува и не дише, па сепак, како огледало ги рефлектира копнежите и стравовите на оние кои престојуваат во него. Во случајов тоа е стан во неименувана градска населба. Но таквото место може да биде лоцирано насекаде. И во други луѓе. Дури и во самите нас.

Но што кога станот ќе мора да се напушти? Каде да се појде кога нема каде? Крајот на книгата се најавува уште при нејзиниот почеток. Но во сета своја морничавост тој сепак остава некаква надеж - дека дури и кога ќе го напуштиме „станот“, кој е нашиот живот, ќе има некој кој ќе знае. Дека некој сепак бил тука.