Здрав емотивен живот

Краток опис

Како да ја усогласиме потребата за изразување на своите чувства со желбата да ги заштитиме другите? Премногу често запаѓаме во стапицата на оваа дилема: изразување или потиснување. Доколку ги изразиме вистинските чувства, се плашиме дека ќе ги повредиме блиските и ќе се отуѓиме од нив. Но ако ги потиснуваме емоциите – дури и под маската на „самоконтрола“ – ризикуваме да се повредиме себеси.

Ошо, еден од најпровокативните и најинспиративните духовни учители на нашето време, ни претставува практичен и сеопфатен пристап кон успешно решавање на овој личен конфликт. Користејќи нов, досега необјавен материјал, книгата Здрав емотивен живот ни помага да сфатиме што лежи во основата на нашите емоции, ни укажува како да реагираме на ситуациите за да осознаеме нешто и за себе и за другите, и нѐ учи да одговориме со поголема сигурност на неизбежните подеми и падови во животот.

Восхитувачкиот увид на Ошо во човековиот ум и во срцето ги надминува границите на конвенционалната психологија. Ошо нѐ учи целосно да ги искусиме своите емоции и со нив да се избориме на креативен начин, за да водиме побогат и поисполнет живот.